2-son tergov hibsxonasida 21-mart “Navro‘z” – umumxalq bayrami keng turda nishonlandi
Oltinchi
mintaqaviy hudud 2-son tergov hibsxonasida 21-mart “Navro‘z” – umumxalq bayrami
keng turda nishonlandi. Jumladan, bayram kuni Navro‘zning eng asosiy taomi
bo‘lgan “Sumalak” tayyorlandi. Bayramga xodimlarning oila-aʼzolari va
nafaqadagi faxrli mehmonlar taklif qilindi. Bayram dasturxoni tuzatildi har xil
turdagi milliy taomlar va pishiriqlar tayyorlandi. Tadbir boshlanishida
Qoraqalpoq millati to‘ylarining urf-odatlaridan bo‘lgan “Bet ashar” bo‘lib o‘tdi,
shundan so‘ng qo‘riqlash otryadi xodimlarining maxsus jangovar ko‘rgazmasi
namoyish etildi. Bayram davomida, O‘zbekiston Kurash federatsiyasi
Qoraqalpog‘iston Respublikasi bo‘limi bilan hamkorlikda sportning “KURASH” turi
bo‘yicha musobaqasi tashkil etildi. Musobaqada hibsxona xodimlari 73, 90 va 90+
kg vazndagi og‘irlikda o‘zaro belashdi. Kurash sport musobaqasi xalqaro kurash
standartlari asosida tashkil etildi. Shuningdek, tosh ko‘tarish, arqon tortish
va ayol xodimalar o‘rtasida musobaqalar bo‘lib o‘tdi. O‘tkazilgan musobaqalar
yakuniy natijasi bo‘yicha g‘olib bo‘lgan xodimlar, xizmat faoliyati davomida
ijobiy natijalarga erishgan xodimlar, faol ishtirokchilar hamda nafaqadagi
faxrli mehmonlar diplom va qimmatbaho sovg‘alar bilan tantanali ravishda
taqdirlandi. Navro‘z umumxalq bayrami tadbirida barcha shaxsiy tarkib faol
ishtirok etib, ular o‘rtasida ko‘tarinki ruhda tashkil etildi.
