Qoraqalpog‘iston Respublikasi Ichki ishlar vaziri boshchiligidagi ishchi guruh Ichki ishlar vazirligiga biriktirilgan Xo‘jayli tumanidagi 18-sonli umumta’lim maktabida o‘rganish ishlarini olib bordi
O‘zbekiston Respublikasi Ichki
ishlar vaziri o‘rinbosarining joriy yil 31 martdagi farmoyishi bilan
maktablarga tashkiliy va tarbiyaviy-metodik jihatdan manzilli yordam berish
maqsadida ishchi guruh tarkibi tasdiqlangan edi. Ushbu ishchi guruh hududlarda
belgilangan tadbirlarning sifatli tashkil etilishini va Qoraqalpog‘iston
Respublikasi Ichki ishlar vazirligi masʼul etib belgilangani sababli ularga
amaliy yordam ko‘rsatish ko‘zda tutilgan. Qoraqalpog‘iston Respublikasi Ichki
ishlar vaziri boshchiligidagi ishchi guruh Xo‘jayli tumanidagi 18-sonli
umumtaʼlim maktabida bo‘ldi. O‘rganish jarayonida taʼlim muassasasida maʼmuriy
bino, o‘quv xonalari, infratuzilmasi ko‘zdan kechirildi. Dars
jarayonlari o‘rganilib, maktab masʼullari va o‘quvchilar bilan yaqindan suhbat
qurildi, ularning kelgusi rejalari tinglandi. Aniqlangan kamchilik va
muammolarni bartaraf etish bo‘yicha zarur chora-tadbirlar belgilab olindi.
