Қорақалпоғистон Республикаси Ички ишлар вазири бошчилигидаги ишчи гуруҳ Ички ишлар вазирлигига бириктирилган Хўжайли туманидаги 18-сонли умумтаълим мактабида ўрганиш ишларини олиб борди.
Ўзбекистон Республикаси Ички ишлар вазири ўринбосарининг
жорий йил 31 мартдаги фармойиши билан мактабларга ташкилий ва тарбиявий-методик
жиҳатдан манзилли ёрдам бериш мақсадида ишчи гуруҳ таркиби тасдиқланган эди.
Ушбу ишчи гуруҳ ҳудудларда белгиланган тадбирларнинг сифатли ташкил этилишини
ва Қорақалпоғистон Республикаси Ички ишлар вазирлиги масъул этиб белгилангани
сабабли уларга амалий ёрдам кўрсатиш кўзда тутилган. Қорақалпоғистон
Республикаси Ички ишлар вазири бошчилигидаги ишчи гуруҳ Хўжайли туманидаги
18-сонли умумтаълим мактабида бўлди. Ўрганиш жараёнида таълим муассасасида
маъмурий бино, ўқув хоналари, инфратузилмаси кўздан кечирилди. Дарс жараёнлари
ўрганилиб, мактаб масъуллари ва ўқувчилар билан яқиндан суҳбат қурилди,
уларнинг келгуси режалари тингланди. Аниқланган камчилик ва муаммоларни
бартараф этиш бўйича зарур чора-тадбирлар белгилаб олинди.
