Qoraqalpog‘iston Respublikasi Prokurori E. Tadjiyev hamda Qoraqalpog‘iston Respublikasi Ichki ishlar vaziri B.Torebekovlar soha masʼullari hamda hamkor tashkilotlarning mutasaddilari bilan «Hududgaz Qoraqalpog‘iston» filiali va «Qoraqalpoq hududiy elektr tarmoqlari» korxonasidagi aholini elektr energiya hamda gaz bilan barqaror taʼminlash bo‘yicha ishchi guruhlarning chora-tadbirlar rejasi bilan tanishib, faoliyatida uchraydigan nosozliklarni oldini olish va zudlik bilan bartaraf etish yuzasidan smenadagi masʼul xodimlarga ko‘rsatmalar berib, aholini gaz va elektr energiyasi bilan to‘liq taʼminlash vazifasini qo‘ydi. Bundan tashqari, Nukus shahri «Samanbay» MFYda joylashgan «Najimaddin Kubra» ko‘chasidagi transformator, aholi tomonidan elektr energiyasiga bo‘lgan talab ortib ketishi natijasida qisqa to‘qnashuv kelib chiqishi oqibatida xonadonlarga yetkizilayotgan elektr energiyasidagi uzilishlarining holati o‘rganilib, kelib chiqqan nosozliklar joyida taʼmirlanib aholiga elektr energiyasini yetkazish muammolari bartaraf qilindi. Shuningdek, Nukus shahri «Nao‘baxar» MFYda joylashgan «Shag‘ilsin» ko‘chasida yashovchi fuqarolarning gaz bosimi kamligi yuzasidan qilgan murojaati tegishli tartibda o‘rganilib, gaz bosimini kuchaytirish bo‘yicha tegishli chora-tadbirlar amalga oshirildi. o‘rganish ishlari davomida mutasaddilar tomonidan Nukus shahridagi «Ibrayim Yusupov» nomidagi maktabning sinfxonalari qish mavsumiga tayyorligi, maktabning isitish tizimi hamda yong‘inga qarshi moslamalarning ahvoli o‘rganildi.