“Ayollar spartakiadasi” musobaqalari bo‘lib o‘tdi.
O‘zbekiston kasaba uyushmalari Federatsiyasining Qoraqalpog‘iston kasaba uyushmalari tashkilotlari birlashmasi Kengashining 2021 yil 12 fevral kunidagi qaroriga muvofiq, joriy yilning 16 mart kuni Nukus shahar 1-sonli bolalar va o‘smirlar sport maktabida korxona, tashkilot va muassasalarda xizmat qilayotgan xotin-qizlar o‘rtasida sportning 7 ta ommaviy turi bo‘yicha “Ayollar spartakiadasi” musobaqalarining Qoraqalpog‘iston Respublikasi bosqichi o‘tkazildi.
Ushbu “Ayollar spartakiadasi” musobaqalarida Qoraqalpog‘iston Respublikasi Ichki ishlar vazirligi terma jamoasi ham ishtirok etib, sportning “100 metrga yugurish” turidan 3-o‘rin, “500 metrga yugurish”, “Uzoqlikka sakrash va tennis to‘pini uloqtirish”, “Darts” va “Voleybol” turlaridan 1-o‘rinni egalladi.
Musobaqa g‘oliblari, O‘zbekiston Respublikasi bosqichiga yo‘llanma oldi hamda O‘zbekiston kasaba uyushmalari Federatsiyasining Qoraqalpog‘iston kasaba uyushmalari tashkilotlari birlashmasi Kengashi tomonidan tayyorlangan diplom va esdalik sovg‘alari bilan taqdirlandi.
Qoraqalpog‘iston Respublikasi IIV Axborot xizmati
