“Аёллар спартакиадаси” мусобақалари бўлиб ўтди.
Ўзбекистон касаба уюшмалари Федерациясининг Қорақалпоғистон касаба уюшмалари ташкилотлари бирлашмаси Кенгашининг 2021 йил 12 февраль кунидаги қарорига мувофиқ, жорий йилнинг 16 март куни Нукус шаҳар 1-сонли болалар ва ўсмирлар спорт мактабида корхона, ташкилот ва муассасаларда хизмат қилаётган хотин-қизлар ўртасида спортнинг 7 та оммавий тури бўйича “Аёллар спартакиадаси” мусобақаларининг Қорақалпоғистон Республикаси босқичи ўтказилди.
Ушбу “Аёллар спартакиадаси” мусобақаларида Қорақалпоғистон Республикаси Ички ишлар вазирлиги терма жамоаси ҳам иштирок этиб, спортнинг “100 метрга югуриш” туридан 3-ўрин, “500 метрга югуриш”, “Узоқликка сакраш ва теннис тўпини улоқтириш”, “Дартс” ва “Волейбол” турларидан 1-ўринни эгаллади.
Мусобақа ғолиблари, Ўзбекистон Республикаси босқичига йўлланма олди ҳамда Ўзбекистон касаба уюшмалари Федерациясининг Қорақалпоғистон касаба уюшмалари ташкилотлари бирлашмаси Кенгаши томонидан тайёрланган диплом ва эсдалик совғалари билан тақдирланди.
Қорақалпоғистон Республикаси ИИВ Ахборот хизмати
