2 Sentyabr 2022 yil 171

Qaraqalpaqstan Respublikası Ishki isler ministriniń bayram qutlıqlawı.

Húrmetli Watanlaslar!
Sizlerdi Qaraqalpaqstan Respublikası Ishki isler ministrligi atınan elimiz tariyxındaǵı qutlı sáne, erkin hám abadan turmıs jolındaǵı barlıq tabıslarımızdıń tiykarı bolǵan mámleketimiz ǵárezsizliginiń 31 jıllıq bayramı menen qızǵın qutlıqlayman!
Bıyılǵı Ǵárezsizlik bayramı Húrmetli Prezidentimizdiń arnawlı qararına muwapıq pútkil elimiz boylap «Jańa Ózbekstanda el áziz, insan áziz!» degen tereń mazmunlı súren astında ótkeriliwi kewillerdi tolqınlandırıp, bársheni ullı dóretiwshilik islerge ruwxlandırmaqta. Áyne milliy Ǵárezsizlik el-jurtımız ushın jáhán jámiyetshiliginen múnásip orın iyelep, huqıqıy demokratiyalıq mámleket hám erkin puqaralıq jámiyetin qurıw, sonday-aq, turmıstıń túrli tarawları hám tarmaqlarında keń kólemli reformalardı ámelge asırıw ushın bekkem tiykar jaratıp, erisip atırǵan barlıq tabıs hám jetiskenliklerimizdiń tiykarǵı dáregi bolmaqta.
Elimizde bárinen burın insan hám onıń máplerin gózlep alıp barılıp atırǵan izbe-iz reformalardıń nátiyjesi hár bir puqaranıń baxıtlı hám abadan turmısı, ózine hám jurt keleshegine bolǵan bekkem iseniminde kórinbekte.
Erisilgen tabıslardı bekkemlep, túpkilikli reforma processlerin jańa basqıshqa kóteriw, insannıń huqıq hám mápleri, onıń qádiri hám ar-namısın jetekshi orınǵa alıp shıǵıw ústin turatuǵın wazıypamızǵa aynalǵan házirgi waqıtta jurtımızda tınıshlıq hám turaqlılıqtı saqlaw, mámleketimizdiń aymaqlıq pútinligi hám  shegaralarımız qol qatılmaslıǵın támiyinlew, milletleraralıq tatıwlıq hám awızbirshilikti bekkemlewde Ishki isler organları xızmetkerleri óz bilim hám tájriybesine súyengen halda xalqımızǵa hadal xızmet etedi dep isendiremen.
Jáne bir márte pútkil xalqımızdı mámleketimiz ǵárezsizliginiń 31 jıllıq bayramı menen ózimniń hám Ministrlik xızmetkerleri atınan shın júrekten qutlıqlayman.

Qaraqalpaqstan Respublikası Ishki isler ministri

Tórebekov Baxtiyar Ismandiyarovich

 

 

Belgilangan matnni tinglash uchun quyidagi tugmani bosing Powered by GSpeech