Respublika ishchi guruhi tomonidan fuqarolarning sud-huquq masalalarida qiynab kelayotgan muammolarini ijobiy hal etish maqsadida Qonliko‘l tumanida Qo‘ng‘irot, Shumanay, Mo‘ynoq va Qonliko‘l tumani aholisining murojaatlari bo‘yicha sayyor qabul o‘tkazildi.
Joriy yilning
6-10-may kunlari respublika Ishchi guruhi tomonidan fuqarolarning murojaatlari va
aholini qiynab kelayotgan muammolariga yechim topish bo‘yicha joylarda sayyor qabullar
o‘tkazilishi belgilangan. Joriy yilning 7 may kuni Qonliko‘l tumani Ixtisoslashtirilgan maktab
binosida Qonliko‘l, Qo‘ng‘irot, Mo‘ynoq, Shumanay tumanlari fuqarolarining sud-huquq,
ijtimoiy-iqtisodiy hamda qurilish va kommunal sohalar bo‘yicha murojaatlari ko‘rib
chiqildi. Unda respublika ishchi guruhi a’zosi,O‘zbekiston
Respublikasi Ichki ishlar vazirligi Tashkiliy departamenti boshlig‘i
o‘rinbosari, polkovnik Mahamadali Ismoilov va Qoraqalpog‘iston Respublikasi
Ichki ishlar vaziri Baxtıyar Tоrebekov fuqarolarning Ichki ishlar organlariga
oid murojaatlarini qabul qildi. Qabulda murojaatlarning deyarli ko‘pchiligi shu
yerning o‘zida ijobiy hal etildi. O‘rganish uchun vaqt talab etiladigan
murojaatlarga muddat belgilanib, ijrosi nazoratga olindi. Ayrim murojaat
egalariga huquqiy maslahat va tushuntirishlar berildi.
