Bolajonlar uchun bayram tadbiri tashkillashtirildi.
Har yili bolajonlar Yangi yil bayramini intizorlik bilan kutishadi. Bayramning intiqib kutilishiga sabab turfa xil sovg‘alar bilan bir qatorda teatrlar tomonidan ataylab ular uchun tayyorlanadigan yorqin va rang-barang tomoshalardir. Joriy yilning 27 dekabr kuni Nukus shahrida joylashgan Yosh tomoshabinlar teatrida Qoraqalpog‘iston Respublikasi ichki ishlar organlarida xizmat vaqtida halok bo‘lgan xodimlarning va ichki ishlar organlarining sohaviy xizmatlar xodimlarining farzandlari uchun bayram tadbiri tashkillashtirildi. Bayramda teatr jamoasi tomonidan tayyorlangan «Yangi yil tomoshalari» nomli shou konsert dasturi bolajonlar e’tiboriga havola etildi .
Bayram tadbirida Qoraqalpog‘iston Respublikasi Ichki ishlar vaziri polkovnik A.Temirxanov uning o‘rinbosari polkovnik I.Axmedov va vazirning maslahatchisi iste’fodagi polkovnik O.Turdaqovlar ishtirok etib, bolalarni bayram bilan tabrikladi.
So‘ng xizmat vaqtida halok bo‘lgan xodimlarning farzandlariga, Prezident sovg‘alari va xodimlarning farzandlariga Qoraqalpog‘iston Respublikasi Ichki ishlar xodimlari birlashgan kasaba uyushmasi qo‘mitasi tomonidan tayyorlangan sovg‘alar topshirildi.
Bayram tadbiri bolajonlarda alohida ta’sirotlar qildira oldi.
Qoraqalpog‘iston Respublikasi IIV Axborot xizmati
