Minni futbol bo‘yicha musobaqa bo‘lib o‘tdi.
Joriy yilning 27-28 oktabr kunlari Nukus olimpiya zaxiralari kollejida 25 oktyabr Ichki ishlar organlari xodimlari kuni» kasb bayrami munosabati bilan Qoraqalpog‘iston Respublikasi Ichki ishlar organlari xodimlari o‘rtasida sportning minni futbol turi bo‘yicha musobaqa bo‘lib o‘tdi. Musobaqaga jami 24 jamoa ishtirok etdi. Ikki kun davomida qizg‘in bellashuvlarga boy bo‘lib o‘tgan musobaqa yakunida, birinchi o‘rinni Qoraqalpog‘iston Respublikasi IIV Taxtako‘pir tumani IIB jamoasi, ikkinchi o‘rinni, Qoraqalpog‘iston Respublikasi IIV terma jamoasi, uchinchi o‘rinni O‘zbekiston Respublikasi IIV Nukus «Temurbeklar maktabi» harbiy akademik litseyi jamoasiga nasib etdi.
G‘oliblarni taqdirlash tadbiriga, Qoraqalpog‘iston Respublikasi Ichki ishlar vaziri o‘rinbosari polkovnik I.Axmedov, ishtirok etib, sportchilarni 25 oktabr Ichki ishlar organlari xodimlari kuni kasb bayrami bilan tabrikladi va g‘oliblarga tashkilotchilar tomonidan tayyorlangan kubok, medal, va qimmatbaho sovg‘alar topshirildi.
Qoraqalpog‘iston Respublikasi IIV Axborot xizmati
