Qoraqalpog‘iston Respublikasi Ichki ishlar vazirligida O‘zbekiston Respublikasi Ichki ishlar vaziri o‘rinbosari ishtirokida faxriylar bilan uchrashuv o‘tkazildi
O‘zbekiston Respublikasi Ichki
ishlar vaziri o‘rinbosari — Maʼnaviy-maʼrifiy ishlar va kadrlar bilan
taʼminlash departamenti boshlig‘i, general-mayor Davron Nazarmuxamedovning
Ichki ishlar organlari faxriylari bilan navbatdagi uchrashuvi Qoraqalpog‘iston
Respublikasi Ichki ishlar vazirligida tashkil etildi. Ichki ishlar vazirligida
o‘tkazilgan mazkur uchrashuvda Vazir o‘rinbosari Qoraqalpog‘iston
Respublikasida istiqomat qiluvchi Faxriylar faoliyatiga alohida to‘xtalib
o‘tdi. Faxriylarning mavjud muammolarini o‘rganish va bartaraf etish, ularni
har tomonlama qo‘llab-quvvatlash borasida olib borilayotgan ishlar va
joylardagi kengashlar faoliyati atroflicha muhokama qilindi.
Shundan
so‘ng, ochiq muloqot olib borilib, ularning murojaat va takliflari tinglandi.
Uzoq yillar sohada xizmat qilgan va amaliy tajribaga ega ustozlar so‘z olib,
tizimda xizmat qilayotgan yosh xodimlarni vatanga sadoqat ruhida tarbiyalash,
“ustoz-shogird” anʼanasini yana-da jonlantirish orqali kasbiy mahoratni
rivojlantirish xususidagi taklif va mulohazalari bilan o‘rtoqlashdilar.
Uchrashuv
so‘nggida Faxriylar bilan aloqani yana-da mustahkamlash yuzasidan masʼullarga
tegishli topshiriqlar berildi.
Qoraqalpog‘iston Respublikasi IIV Axborot xizmati
