KIBERXAVFSIZLIK - BUGUNGI KUNDA HAR BIRIMIZ UCHUN ENG MUHIM MASALA.
Bugun Qoraqalpoq davlat universitetida Kiberjinoyatchilikning oldini olishga qaratilgan targ‘ibot ishlari o‘tkazildi. Tadbirda Qoraqalpog‘iston Respublikasi Adliya vazirligi huquqiy axborot sektori boshlig‘i N.Berdiniyazova, Universitet profilaktika inspektori I.Erejepov va San’atshunoslik fakulteti yoshlar bilan ishlash bo‘yicha dekan o‘rinbosari I.Djumaniyazovlar ishtirok etib, ular o‘z ma’ruzalarida, bugungi kunda har birimiz kiberxavfsizlikning ahamiyatini tushunib yetishimiz kerakligini, chunki internetga ulangan har bir qurilma, har bir akkaunt xavf ostida bo‘lishi mumkinligini, bularning barchasi kiberjinoyatchilikning oqibatlari ekanligini tushuntirdi. Tadbirda kiberxavfsizlikning eng muhim jihatlari muhokama qilindi, talabalarga kiberxavfsizlikning asosiy tamoyillari tanishtirildi, internetda o‘zimizni qanday himoya qilishni o‘rganishimiz zarurligini va kiberjinoyatchilikka qarshi kurashishga hissa qo‘shishimiz kerakligini ta’kidladi.
