KIBERQÁWIPSIZLIK - BÚGINGI KÚNDE HÁR BIRIMIZ USHIN EŃ ÁHMIETLI MÁSELE.
Búgin Qaraqalpaq mámleketlik universitetinde Kiberjınayachılıqtıń aldın alıwǵa qaratılǵan úgit-násiyat jumısları ótkerildi. Ilajda Qaraqalpaqstan Respublikası Ádillik ministrligi huqıqıy málimleme sektorı baslıǵı N.Berdiniyazova, Universitet profilaktika inspektorı I.Erejepov hám Kórkem ónertanıw fakulteti jaslar menen islesiw boyınsha dekan orınbasarı I.Djumaniyazovlar qatnasıp, olar óz bayanatlarında, búgingi kúnde hár birimiz kiberqáwipsizliktiń áhmietin túsinip jetiwimiz kerekligin, sebebi internetke jalǵanǵan hár bir qurılma, hár bir akkaunt qáwip astında bolıwı múmkinligin, bulardıń barlıǵı kiberjınayachılıqtıń aqıbetleri ekenligin túsindirdi. Ilajda kiberqáwipsizliktiń eń áhmietli tárepleri dodalandı, studentlerge kiberqáwipsizliktiń tiykarǵı principleri tanıstırıldı, internette ózimizdi qalay qorǵawdı úyreniwimiz zárúrligin hám kiberjınayachılıqqa qarsı gúresiwge úles qosıwımız kerek ekenligin atap ótti.
