Qaraqalpaqstan Respublikası Ishki isler ministri polkovnik Baxtiyar Torebekov Shımbay rayonınıń uzaq awıllarında jasawshı puqaralardıń mashqalaların unamlı sheshiw maqsetinde kóshpeli qabıllaw ótkerdi
Qaraqalpaqstan
Respublikası Ishki isler ministri polkovnik Baxtiyar Torebekov, Shımbay rayonınıń uzaq awıllarında jasawshı
puqaralardıń múrájatların unamlı sheshiw hámde olardı qıynap kiyatırǵan
mashqalaların úyreniw maqsetinde kóshpeli qabıllaw ótkerdi. Kóshpeli qabıllawǵa
Shımbay rayonı hákimi Aybek Tájetdinov, rayonlıq 4 sektor basshıları, sonday-aq
tiyisli taraw wákileri menen aymaq turǵınları qatnastı. Qabıllaw dawamında
puqaralar ózleriniń sociallıq mashqala hám máseleleri menen múrájat etti.
Tiykarınan ishki jollardı ońlaw, elektr energiyası, ishimlik suw hám tábiyǵıy
gaz tarmaqların jańalaw sıyaqlı bir qatar múrájatlar ministr tárepinen kórip
shıǵıldı. Bildirilgen múrájatlar sol jerdiń ózinde úyrenilip, kópshiligi unamlı
sheshim taptı, ayrım múrájat iyelerine huqıqıy túsinikler berildi. Sonday-aq
úyreniw jumıslarına waqıt talap etiletuǵın múrájatlerdiń sheshimi ushın múddet
belgilenip, orınlanıwı qadaǵalawǵa alındı. Álbette ótkerilip atırǵan bunday
ilajlar xalqımızdıń turmısındaǵı mashqalaların unamlı sheshiw arqalı olardıń
búgingi kúnnen razı bolıp jasawın támiyinlew hám keleshekke bolǵan isenimin ele
de bekkemlewge xızmet etedi.
Qaraqalpaqstan
Respublikası IIM Málimleme xızmeti
