“Madaniyat, savdo va xizmat ko‘rsatish sohasi obyektlarida jamoat xavfsizligini taʼminlash tizimini takomillashtirish chora-tadbirlari to‘g‘risida”gi qarorining ijrosini taʼminlash bo‘yicha masʼul xodimlardan iborat ishchi guruh tashkil qilinib, ushbu komissiya aʼzolari ishtirokida yig‘ilish o‘tkazildi
O‘zbekiston Respublikasi Prezidentining shu yil 11 aprelda “Madaniyat,
savdo va xizmat ko‘rsatish sohasi obyektlarida jamoat xavfsizligini taʼminlash
tizimini takomillashtirish chora-tadbirlari to‘g‘risida”gi qarori qabul qilinib, mazkur qaror ijrosini
taʼminlash maqsadida Qoraqalpog‘iston Respublikasi Vazirlar Kengashi raisi o‘rinbosari rahbarligida
yig‘ilish o‘tkazilib, idoralar va tashkilotlar masʼullaridan iborat hududiy
komissiyasi tuzildi. Ushbu komissiya aʼzolari yig‘ilishida madaniyat, savdo va
xizmat ko‘rsatish obyektlarida jamoat xavfsizligi taʼminlash tizimini yana-da
takomillashtirish, huquq-tartibot organlari va xo‘jalik yurituvchi subyektlar
o‘rtasida o‘zaro samarali hamkorlikni tashkil etishda mahalliy ijro etuvchi organlar rolini oshirish bo‘yicha qilinishi
lozim bo‘lgan ishlar xususida so‘z bordi.Qayd etilishicha, Respublika komissiyasi tomonidan
hududlardagi qo‘riqlanishi shart bo‘lgan obyektlar ro‘yxati tasdiqlangan
bo‘lib, ushbu obyektlarni qo‘riqlash bo‘linmalar tomonidan amalga oshiriladi.
Shu maʼnoda xo‘jalik yurituvchi subyektlar bilan Ichki ishlar yoki Milliy
gvardiya bo‘linmalari o‘rtasida obyektlarni qo‘riqlash bo‘yicha shartnomalar
tuzish, o‘rnatilgan videokuzatuv tizimlarini ichki ishlar organlari va Milliy
gvardiyaning hududiy bo‘linmalari situatsion markazlariga
integratsiya qilish, ro‘yxatga kiritilgan obyektlarning “Xavfsizlik pasporti”
tayyorlanishi masalalari muhokama qilindi.
