Mo‘ynoq tumani Ichki ishlar bo‘limida Qoraqalpog‘iston Respublikasi Ichki ishlar organlarida ko‘p yillar davomida samarali mehnat qilgan mehnat faxriylari bilan uchrashuv tadbiri tashkil qilindi. Uchrashuvda Qoraqalpog‘iston Respublikasi Ichki ishlar vazirligi Maʼnaviy maʼrifiy ishlar hamda kadrlar bilan taʼminlash xizmati boshlig‘ining o‘rinbosari podpolkovnik Madjidov Abdumalik Abduazimovich hamda vazirlikning Faxriylar kengashi boshlig‘i Farxad Sankibayevlar ishtirok etishdi. Dastlab vazirlikning Maʼnaviy maʼrifiy ishlar hamda kadrlar bilan taʼminlash xizmati boshlig‘ining o‘rinbosari podpolkovnik Madjidov Abdumalik Abduazimovich so‘zga chiqib faxriylar kengashi aʼzolarini shaxsiy tarkibga tanishtirib ularning bosib o‘tgan yo‘llari bo‘yicha maʼlumotlar berildi. Shundan so‘ng Qoraqalpog‘iston Respublikasi Ichki ishlar vazirligining faxriylar kengashi boshlig‘i Farhad Sankibayev hamda bir qator faxriylar so‘zga chiqib yig‘ilganlarga bugungi kunda Yangi O‘zbekistonda Ichki ishlar organlariga yaratilgan sharoitlarga shukrona hisini bildirib o‘tdilar. Xar bir xodim Vatan uchun sadoqat bilan xizmat qilishlari oliy burishi ekanligini takillab shaxsiy tarkibga jinoyatchilik va huquqbuzarliklarning oldini olish borasida olib borilayotgan ishlarida  zafarlar tiladi. Tadbir so‘ngida bir qator faxriylarga hamda xodimlarga tashakkurnomalar tantanali ravishda topshirildi. Tadbir so‘ngida Mo‘ynoq tumanida o‘z xizmat vazifasini bajarish vaqtida vafot etgan Yo‘l patrul xizmati inspektori marhum Daniyar Kayrbayevning esdaligiga bag‘ishlanib qo‘yilgan haykalining ziyorat qildilar.
Qoraqalpog‘iston Respublikasi IIV Axborot xizmati