Qaraqalpaqstan Respublikası Ishki isler ministri polkovnik Baxtıyar Ismandiyarovich Tórebekovtıń «1-oktyabr – muǵallimler hám ustazlar kúni» bayramı múnásibeti menen bayram qutlıqlawı.
Qádirli muǵallimler hám ustazlar!
Taraw pidayıları hám húrmetli nuraniyları!
Ósip kiyatırǵan jas áwladtıń ruwxıy dúnyası bay, joqarı intellektuallıq potencialǵa iye bolıp kámalǵa keliwinde ayanbay miynet etip atırǵan pidayı, kásibine sadıq, jankúyer, óz ómirin perzent tárbiyası menen baylanıslı iygilikli islerge baǵıshlaǵan Sizlerdi «1-oktyabr – muǵallimler hám ustazlar kúni» bayramı menen Qaraqalpaqstan Respublikası Ishki isler ministrligi xızmetkerleri atınan qızǵın qutlıqlaymız. Haqıyqatında da, biz búgin zamanagóy bilim hám kásip-ónerlerdi, shet tillerin puqta iyelep, keleshekke úlken úmit hám isenim menen qádem qoyıp atırǵan, erteńgi kúnimizdiń sheshiwshi kúshi bolǵan perzentlerimizdiń kámalında ustazlarımızdıń sheksiz úlesi bar ekenligin ayrıqsha atap ótemiz hámde Sizlerdiń bul ullı xızmetińizdi joqarı bahalaymız.
Húrmetli muǵallimler hám ustazlar!
Sizlerdi elimizde keń túrde belgilenip atırǵan kásiplik bayramıńız benen jáne bir márte qızǵın qutlıqlap, bársheńizge bekkem densawlıq, shańaraqlarıńızǵa amanlıq, perzent tárbiyasınday mashaqatlı, juwapkerli, ádiwli hám iygilikli islerińizde talmas kúsh-jiger, tasqın tabıslar tileymiz.
Qaraqalpaqstan Respublikası Ishki isler ministri polkovnik B.I.Tórebekov
