13 Iyul 2025 yil
359
Qoraqalpog‘iston Respublikasi Ichki ishlar vaziri tomonidan jismoniy va yuridik shaxslarning murojaatlari bo‘yicha shaxsiy qabuli o‘tkazildi
Qabul davomida Qoraqalpog‘iston
Respublikasi Ichki ishlar vaziri polkovnik Baxtiyor Torebekov tomonidan
fuqarolarning, shuningdek, yuridik shaxslar va ularning qonuniy vakillari bilan
yuzma-yuz suhbatlashib, 21 fuqaroning ichki ishlar organlariga tegishli bo‘lgan
murojaatlari ko‘rib chiqildi. Asosiy e’tibor murojaatlarning joyida hal
etilishiga qaratilib, qo‘shimcha o‘rganish va qonuniy qaror qabul qilish uchun
ish yurituvga olingan murojaatlar bo‘yicha manzilli choralar belgilanib,
tegishli soha xizmatlari rahbarlariga ijro muddatlari aniq belgilanib,
ko‘rsatma va topshiriqlar berildi. Bunday qabullar tasdiqlangan reja asosida
respublika va hududiy ichki ishlar organlari rahbarlari tomonidan muntazam
ravishda o‘tkazib boriladi.
Qoraqalpog‘iston
Respublikasi Ichki ishlar vazirligi Axborot xizmati
