28 Fevral 2025 yil
1888
Ramazon oyida masjidlarda va jamoat joylarida tartibni saqlash hamda har qanday huquqbuzarlik va jinoyatlarning oldini olishga bag‘ishlab huquqni muhofaza qiluvchi organlarning maxsus yig‘ilishi o‘tkazildi
Muborak
ramazon oyi boshlanmoqda. Hukumatimiz tomonidan xalqimizning Ramazon oyini
milliy an’ana va qadriyatlarga mos tarzda o‘tkazishiga, shuningdek, ularning
xavfsizligini ta’minlashga alohida e’tibor qaratiladi. Ramazon kunlari masjid
va boshqa jamoat joylarida tartibni saqlash, fuqarolarimizning xavfsizligini
ta’minlash va favqulodda vaziyatlarning oldini olish maqsadida poytaxtimizda
Qoraqalpog‘iston Respublikasi Ichki ishlar vazirligining Jamoat xavfsizligi xizmati Jamoat tartibini saqlash, Yo‘l harakati xavfsizligi,
Huquqbuzarliklar profilaktikasi boshqarmalari, favqulodda vazifalarni
bajaruvchi maxsus otryadi, shuningdek, O‘zbekiston Respublikasi Milliy
gvardiyasi Qoraqalpog‘iston Respublikasi bo‘yicha boshqarmasi va
Qoraqalpog‘iston Respublikasi Favqulodda vaziyatlar boshqarmasi xodimlarining
maxsus yig‘ilishi o‘tkazildi. Unda QR Ichki ishlar vaziri polkovnik Baxtiyar
Torebekov so‘zga chiqib, jamoat joylarida turli huquqbuzarliklar va favqulodda
holatlarning oldini olish masalalariga alohida e’tibor qaratilishi kerak
vazifalarga to‘xtalib o‘tdi. Xizmat vazifasini bajarayotgan har bir xodim
belgilangan tartib-qoidalarga bo‘ysunishi, ya’ni fuqarolar bilan to‘g‘ri
munosabatda bo‘lishi, qonuniy asosda ish olib borishi kerakligini tushuntirib
o‘tdi. Albatta, jamoat
tartibini saqlash, shuningdek, favqulodda vaziyatlarning oldini olishda mana
shunday birgalikdagi ishlarning o‘rni alohida.
Qoraqalpog‘iston
Respublikasi IIV Axborot xizmati
