28 Феврал 2025 jıl
1890
Ramazan ayında meshitlerde hám jámietlik orınlarda tártipti saqlaw jáne hár qanday huqıqbuzarlıq hám jınayatlardıń aldın alıwǵa baǵıshlap huqıq qorǵaw uyımlarınıń arnawlı májilisi ótkerildi.
Ramazan
kúnleri meshit hám basqa da jámietlik orınlarda tártipti saqlaw,
puqaralarımızdıń qáwipsizligin támiyinlew hám ayrıqsha jaǵdaylardıń aldın alıw
maqsetinde paytaxtımızda Qaraqalpaqstan Respublikası Ishki isler ministrliginiń
Jámietlik qáwipsizlik xızmeti Jámietlik tártipti saqlaw, Jol
háreketi qáwipsizligi, Huqıqbuzarlıqlar profilaktikası basqarmaları, ayrıqsha
wazıypalardı atqarıwshı arnawlı otryadı, sonday-aq, Ózbekstan Respublikası
Milliy gvardiyası Qaraqalpaqstan Respublikası boyınsha basqarması hám Qaraqalpaqstan
Respublikası Ayrıqsha jaǵdaylar basqarması xızmetkerleriniń arnawlı jıynalısı
ótkerildi. Onda QR Ishki isler ministri polkovnik Baxtiyar Torebekov shıǵıp
sóylep, jámietlik orınlarda hár qıylı huqıqbuzarlıqlar hám ayrıqsha
jaǵdaylardıń aldın alıw máselelerine ayrıqsha itibar qaratılıwı kerek
wazıypalarǵa toqtap ótti. Xızmet wazıypasın atqarıp atırǵan hár bir xızmetker
belgilengen tártip-qaǵıydalarǵa boysınıwı, yaǵnıy puqaralar menen durıs
qarım-qatnasta bolıwı, nızamlı tiykarda jumıs alıp barıwı kerek ekenligin
túsindirip ótti. Álbette, jámietlik tártipti saqlaw, sonday-aq, ayrıqsha
jaǵdaylardıń aldın alıwda mine usınday birgeliktegi jumıslardıń ornı ayrıqsha.
Qaraqalpaqstan
Respublikası IIM Málimleme xızmeti
