Qoraqalpog‘iston Respublikasi Ichki ishlar vaziri polkovnik Baxtiyar Torebekov Chimboy tumanining olis hududida joylashgan ovullarda yashovchi fuqarolarining muammolarini o‘rganib ijobiy hal etish maqsadida sayyor qabul o‘tkazdi
Qoraqalpog‘iston
Respublikasi Ichki ishlar vaziri polkovnik Baxtiyar Torebekov Chimboy
tumanining olis hududida joylashgan ovullarda yashovchi fuqarolarining
muammolarini o‘rganib ijobiy hal etish maqsadida sayyor qabul o‘tkazdi.
O‘tkazilgan sayyor qabulga Chimboy tumani hokimi Aybke Tajetdinov, tuman
4 sektor rahbarlari, shuningdek, tegishli soha vakillari bilan birga hudud
aholisi ishtirok etdi. Qabul davomida fuqarolar o‘zlarining ijtimoiy muammolari
yuzasidan murojaat qildi. Asosan ichki yo‘llarni taʼmirlash, elektr energiyasi,
ichimlik suvi va tabiiy gaz tarmoqlarini yangilash kabi masalalar vazir
tomonidan ko‘rib chiqildi. Bildirilgan murojaatlarning ko‘pchiligi shu joyning
o‘zida o‘rganilib, ijobiy hal qilinib, ayrim murojaat egalariga huquqiy
tushuntirish berildi. Shuningdek, o‘rganish ishlari talab qilinadigan masalalar
yuzasidan muddatlar belgilanib, ijrosi nazoratga olindi. Albatta
o‘tkazilayotgan bunday tadbirlar xalqimizning kundali hayotida uchrayotgan
muammolarni ijobiy eshimi orqali ularning bugungi kundan rozi bo‘lib
yashashiga va kelajakka bo‘lgan ishonchini mustahkamlashga xizmat qiladi.
Qoraqalpog‘iston
Respublikasi IIV Axborot xizmati
