19 Fevral 2025 yil
1012
Qoraqalpog‘iston qishloq xo‘jaligi va agrotexnologiyalar institutida Qoraqalpog‘iston Respublikasi Ichki ishlar vaziri polkovnik Baxtiyar Torebekov tomonidan kiber jinoyatchilik va undan himoyalanish haqida talaba yoshlar bilan uchrashuv o‘tkazildi
Qaraqalpaqstan
Respublikası Ishki isler ministri polkovnik Baxtiyar Torebekov tárepinen
Qaraqalpaqstan awıl xojalıǵı hám agrotexnologiyalar institutında student jaslar
menen kiber mákanda ushırasıp atırǵan mashqalalar hám olardan qorǵanıw
temasında úgit-násiyat ushırasıwı ótkerildi. Ilajdı institut rektorınıń
orınbasarı Rano Ibragimova ashıp berdi hám alıp bardı. Bunnan soń Ishki isler
ministri polkovnik Baxtiyar Torbekov shıǵıp sóylep, búgingi kúnde puqaralar
kiber aldawshılardıń duzaǵına túsip qalıp atırǵanlıǵı, sociallıq tarmaqlarda
puqaralarǵa kelip atırǵan hár qıylı jalǵan xabarlarǵa isenip, olarǵa jeke
maǵlıwmatların beriwi aqıbetinde bank plastik kartalarındaǵı pulların urlatıp
qoyıw jaǵdayları kóplep baqlanıp atırǵanlıǵın atap ótti. Bunday
kiberjınayachılıqtıń erte aldın alıw boyınsha hár bir talap jaslarǵa
jetkeriliwi kerek ekenligi boyınsha juwapker xızmetkerler hám institut
tyutorlarına tapsırmalar berildi. Sonday-aq, ilajda Qaraqalpaqstan Respublikası
IIM Kiberqáwipsizlik bólimi baslıǵı Dauletniyaz Seytmuratov ayırım student
jaslar tárepinen ózleriniń jeke maǵlıwmatları tiykarında sociallıq tarmaqlarda
arttırılǵan hár qıylı akkauntlardı satıwı aqıbetinde jınayatqa bilip-bilmey
sherik bolıw jaǵdayları haqqında atap ótti hám jaslarǵa bunday jaǵdaylar
juwapkershilikke sebep bolatuǵının túsindirdi.
Qaraqalpaqstan
Respublikası IIM Málimleme xızmeti
