Hududlarda kriminogen vaziyatni barqarorlashtirish yuzasidan o‘rganish ishlari olib borildi
Hududlarda
kriminogen vaziyatni barqarorlashtirish, jinoyatchilikka qarshi kurashish,
jamoat xavfsizligini taʼminlash hamda huquqbuzarliklarning barvaqt oldini olish
ichki ishlar organlari oldida turgan dolzarb vazifa bo‘lib qolmoqda. Ushbu vazifalarni amalga oshirishda uslubiy yordam
ko‘rsatish maqsadida ayni damda Qoraqalpog‘iston Respublikasida bo‘lib turgan
IIV Akademiyasi maʼmuriy huquq kafedrasi o‘qituvchisi mayor Z.M.Oxunov joylarda
kriminogen vaziyat bilan tanishdi. Jumladan, Xo‘jayli tumani IIB rahbariyati
bilan birgalikda, tuman hududidagi “Bunyodkor” va “Madaniyat” mahallalarida
sodir etilgan jinoyatlar joylarga chiqqan holda o‘rganildi hamda tahlil
qilindi.
Hudud
profilaktika inspektorlari bilan birgalikda jinoyatlarni sodir etilish
sabablari va ularga imkon bergan shart-sharoitlar muhokama qilindi. Mahalla
faollari hamda fuqarolar ishtirokida sodir etilgan jinoyatlar yana bir bor
muhokama qilinib, tushuntirish ishlari olib borildi, bildirilgan taklif-tavsiyalar
eʼtiborga olindi.
Qoraqalpog‘iston
Respublikasi IIV Axborot xizmati
