Ma'lumki, bugungi kunda mamlakatimizda xotin-qizlarni har tomonlama qo‘llab-quvvatlash, ularning jamiyat hayotidagi  faolligini oshirish, gender tengligini ta'minlashga qaratilgan ishlar muhim masalalardan biriga aylangan. Albatta, ushbu davlat siyosatini amaliyotga joriy etishda ichki ishlar organlari munosib hissa qo‘shib kelmokda. Shu hisobda aytadigan bo‘lsak, joylardagi xotin-qizlar masalalari bo‘yicha inspektor lavozimining joriy etilishi barobarida bu boradagi ko‘plab masalalarga echim topilmoqda. Ta'kidlash joizki, Ichki ishlar organlari gender tengligini ta'minlashda nafaqat aholi orasida balki, tizimning o‘zidagi ishlar bilan ham namuna bo‘lmoqda. Xususan, O‘zbekiston Respublikasi Oliy Majlisi senati Kengashining 2022-yil 27-aprel kungi qaroriga binoan har yili O‘zbekiston Respublikasidagi tashkilotlarda gender tenglikni ta'minlashga qaratilgan siyosatni shakllantirish, turli tuzilmalar faoliyatiga gender tenglikni singdirish, bu boradagi ilg'or tajribalarni aniqlash va umumlashtirish maqsadida “Gender tenglik faoli” milliy tanlovi o‘tkazib kelinadi. Tanlov Gender tenglik va oila masalalari bo‘yicha respublika komissiyasi, O‘zbekiston Respublikasi Oliy Majlisi Senatining Xotin-qizlar va gender tenglik masalalari qo‘mitasi, O‘zbekiston Respublikasi Oila va xotin-qizlar davlat qo‘mitasi tomonidan tashkillashtiradi. Unda  vazirlik, idoralar, nodavlat notijorat tashkilotlari, hokimliklar, tadbirkorlik sub’ektlari hamda ommaviy axborot vositalari tomonidan gender tenglik ta'minlash sohasida amalga oshirilgan ishlarga tegishli baho beriladi. Yaqinda Toshkent shahrida mazkur tanlovning respublika bosqichi bo‘lib o‘tib, o‘tgan 2024 yil davomida Qoraqalpog'iston Respublikasi IIV tizimida amalga oshirilgan ishlar munosib baholandi va vazirlik “Gender tenglikni ta'minlashda eng faol xududiy davlat organi”nominatsiyasi bo‘yicha faxrli 1-o‘ringa munosib deb topildi. Darhaqiqat, bu borada vazirlik tizimda amalga oshirilgan ishlar e’tiborga savzovordir. Chunonchi, ayni kunda vazirlik va uning quyi tizimlarida xizmat faoliyatlarini olib borayotgan xodimlar umumiy sonining 3,1 foizini xotin-qizlar tashkil etadi. Ulardan 6 nafar xotin-qiz turli darajadagi rahbarlik lavozimlarida, ya’ni 1 nafari xizmat boshlig'ining o‘rinbosari, 1 nafari boshqarma boshlig'ining o‘rinbosari, 1 nafari bo‘lim boshlig'i, 1 nafari voyaga etmaganlarga ijtimoiy-huquqiy yordam ko‘rsatish markazi boshlig'i va 2 nafar vazirlik huzuridagi maktabgacha ta'lim muassasasi direktori lavozimlarda xizmat qilib kelmoqda. O‘tgan yilda  IIV Malaka oshirish institutida 4 nafar xotin-qizlar malakasini oshirib kelgan bo‘lsa, rahbarlik lavozimlariga zaxiraga olinganlardan 3 nafarini ayollardir. Respublikamiz miqyosida o‘tkazilib kelinayotgan ko‘rik tanlovlariga, sport musobaqalari, ilmiy-amaliy anjumanlar va boshqa turdagi turli xil konkurslarga tavsiya etish jarayonida adolatlilik mezonlariga qat’iy amal qilinishi natijasida hozirda 3 nafar sport ustasi va 3 nafar sport ustaligiga nomzod xotin-qizlar xizmat qilmoqda. Shuningdek, O‘zbekiston Respublikasi Ichki ishlar vazirligining bo‘yrug'i bilan o‘tgan yilda 6 nafar xotin-qizlar «Ichki ishlar organlarida benuqson xizmatlari uchun»ko‘krak nishoni bilan, 2 nafari “Esdalik qo‘l soati” bilan, 3 nafari “Faxriy yorliq” bilan 2 nafari pul mukofoti bilan va 3 nafari “O‘zbekiston Respublikasi Ichki ishlar vazirligining 30 yilligi” ko‘krak nishoni bilan taqdirlandi. Shuni alohida ta'kidlash joizki, Qoraqalpog'iston Respublikasi ichki ishlar vazirligining ichki ishlar organlarida xotin-qizlar va erkaklar uchun teng huquq hamda imkoniyatlarni ta'minlash masalalari bo‘yicha maslaxat kengashi o‘z ishlarini davom ettirib kelmoqda. Bundan tashqari, vazirlik va Kasaba uyushmasi komiteti o‘rtasida jamoat shartnomasi tuzilgan bo‘lib, unda xodimlarni ijtimoiy-iqtisodiy himoya qilinishi, ularni qo‘llab-quvvatlash va mehnat faoliyatini tartibga solish bilan bir qatorda ayollar mehnatini tartibga solish, ayollar va oilaviy vazifalarni bajarish bilan mashg'ul shaxslarga beriladigan qo‘shimcha imtiyoz va kafolatlar bo‘yicha alohida bo‘lim kiritilgan. Bu o‘z navbatida ichki ishlar organlarida gender tenglikka amal qilish, xotin-qizlar va erkaklarning teng huquqliligi ta'minlashga xizmat qilmoqda.
Altinay KIDIRBAEVA,
podpolkovnik.