O‘zbekiston Respublikasi IIVning 2021 yil 4 may kunidagi Ichki ishlar organlarida “Hamkor” profilaktik tadbiri o‘tkazish to‘g‘risidagi92-sonli farmoyishi ijrosi bo‘yicha Qoraqalpog‘iston Respublikasi Ichki ishlar vazirligi boshqa hamkor tashkilotlar va keng jamoatchilik vakillari bilan birgalikda probatsiya hisobida turuvchi shaxslarning qayta jinoyat sodir etishlarining oldini olish ularning muammolarini o‘rganib tegishli tartibda bartaraf etish va ishga joylashtirish orqali ularning ijtimoiy moslashtirish masalalariga alohida eʼtibor qaratilmoqda.
Joriy yilning 19 may kuni Qoraqalpog‘iston Respublikasi IIV probatsiya bo‘limi, O‘zbekiston Respublikasi Mudofaa vazirligi huzuridagi Jamoatchilik kengashi Qoraqalpog‘iston Respublikasi mintaqaviy bo‘limi va O‘zbekiston Yoshlar ittifoqi Qoraqalpog‘iston Respublikasi kengashi hamkorlikda probatsiya hisobida turuvchi yoshlar o‘rtasida sportning mini futbol va suzish turlari bo‘yicha musobaqa o‘tkazildi.
Unga, Nukus shahri, Taxiatosh, Nukus, Chimboy, Taxtako‘pir, Qorao‘zak va Kegeyli tumanlaridan jami 8 jamoa qatnashib o‘zaro bellashishdi. Musobaqalar qizg‘in davom etib, sportning mini futbol turi bo‘yicha faxriy birinchi o‘rinni, Kegayli tumani jamoasi, ikkinchi o‘rinni Nukus tumani yoshlari egallagan bo‘lsa, uchinchi o‘rin, Nukus shahar  jamoasiga nasib etdi. Sportning so‘zish turi bo‘yicha birinchi o‘rinni Chimboy tumani yoshlar jamoasi, ikkinchi o‘rinni Qorao‘zak tumani va uchinchi o‘rinni Taxtako‘pir tumani jamoasi egalladi.
G‘oliblarni taqdirlash tadbiriga, Qoraqalpog‘iston Respublikasi Ichki ishlar vazirligi probatsiya bo‘limi boshlig‘i podpolkovnik U.Kurbanbayeva, O‘zbekiston Respublikasi Mudofaa vazirligi huzuridagi Jamoatchilik kengashi raisi G.Paluanova va O‘zbekiston Yoshlar ittifoqi Qoraqalpog‘iston Respublikasi kengashi harbiy qismlardagi boshlang‘ish tashkilotlar faoliyatini muvofiqlashtirish bo‘limi boshlig‘i E.Serjanov va hududiy IIB rahbarlari ishtirok etib, ishtirokchilarni tabriklab, kelgusi ishlarida zafarlar tiladi.
Musobaqa g‘oliblari faxri yorliklar va qimmatbaho sovg‘alar bilan mukofotlandi.

Qoraqalpog‘iston Respublikasi IIV Axborot xizmati