Ўзбекистон Республикаси ИИВнинг 2021 йил 4 май кунидаги Ички ишлар органларида «Ҳамкор» профилактик тадбири ўтказиш тўғрисидаги92-сонли фармойиши ижроси бўйича Қорақалпоғистон Республикаси Ички ишлар вазирлиги бошқа ҳамкор ташкилотлар ва кенг жамоатчилик вакиллари билан биргаликда пробация ҳисобида турувчи шахсларнинг қайта жиноят содир этишларининг олдини олиш уларнинг муаммоларини ўрганиб тегишли тартибда бартараф этиш ва ишга жойлаштириш орқали уларнинг ижтимоий мослаштириш масалаларига алоҳида эътибор қаратилмоқда. 
Жорий йилнинг 19 май куни Қорақалпоғистон Республикаси ИИВ пробация бўлими, Ўзбекистон Республикаси Мудофаа вазирлиги ҳузуридаги Жамоатчилик кенгаши Қорақалпоғистон Республикаси минтақавий бўлими ва Ўзбекистон Ёшлар иттифоқи Қорақалпоғистон Республикаси кенгаши ҳамкорликда пробация ҳисобида турувчи ёшлар ўртасида спортнинг мини футбол ва сузиш турлари бўйича мусобақа ўтказилди. 
Унга, Нукус шаҳри, Тахиатош, Нукус, Чимбой, Тахтакўпир, Қораўзак ва Кегейли туманларидан жами 8 жамоа қатнашиб ўзаро беллашишди. Мусобақалар қизғин давом этиб, спортнинг мини футбол тури бўйича фахрий биринчи ўринни, Кегайли тумани жамоаси, иккинчи ўринни Нукус тумани ёшлари эгаллаган бўлса, учинчи ўрин, Нукус шаҳар жамоасига насиб этди. Спортнинг сўзиш тури бўйича биринчи ўринни Чимбой тумани ёшлар жамоаси, иккинчи ўринни Қораўзак тумани ва учинчи ўринни Тахтакўпир тумани жамоаси эгаллади. 
Ғолибларни тақдирлаш тадбирига, Қорақалпоғистон Республикаси Ички ишлар вазирлиги пробация бўлими бошлиғи подполковник У.Курбанбаева, Ўзбекистон Республикаси Мудофаа вазирлиги ҳузуридаги Жамоатчилик кенгаши раиси Г.Палуанова ва Ўзбекистон Ёшлар иттифоқи Қорақалпоғистон Республикаси кенгаши ҳарбий қисмлардаги бошланғиш ташкилотлар фаолиятини мувофиқлаштириш бўлими бошлиғи Е.Сержанов ва ҳудудий ИИБ раҳбарлари иштирок этиб, иштирокчиларни табриклаб, келгуси ишларида зафарлар тилади. 
Мусобақа ғолиблари фахри ёрликлар ва қимматбаҳо совғалар билан мукофотланди.

Қорақалпоғистон Республикаси ИИВ Ахборот хизмати