O‘zbekiston davlat san’at va madaniyat instituti Nukus filialida "Kiberxavfsizlik" bo‘yicha filial bo‘limi va texnik xodimlari o‘rtasida tushuntirish ishlari olib borildi.
Tadbirda Qoraqalpog‘iston Respublikasi IIV Kiberxavfsizlik bo‘limi boshlig‘i mayor D.Sitmuratov so‘zga chiqdi. Bugungi kunda ko‘pchilik fuqarolar kiber jinoyatlarning qurboniga aylanib qolayotganligi, shuningdek bank plastik kartalarining kodlarini boshqalarga berib, firibgarlarning tuzog‘iga tushib qolganligi haqida misollar keltirildi hamda bunday firibgarlarning qurboniga aylanib qolmaslik bo‘yicha ko‘plab ma’lumotlar bilan tanishtirib o‘tdi. Tadbir davomida filialning bo‘lim va texnik xodimlariga kiber jinoyatchilik turlari bo‘yicha aniq tushunchalar berilib, soxta smslar, qo‘ng‘iroqlarga javob bermaslik hamda o‘zlari haqida ma’lumot bermaslik haqida tushuntirildi. Tadbir yakunida filialning bo‘lim va texnik xodimlari o‘zlarini qiziqtirgan savollarga javob oldi.
