Ózbekstan mámleketlik kórkem óner hám mádeniyat institutı Nókis filialında “Kiber qáwipsizligi” boyınsha filialdıń bólim hám texnik xizmetkerleri arasında túsindiriw jumısları alıp barıldı.
Ilajda Qaraqalpaqstan Respublikası IIM Kiberqáwipsizlik bólimi baslıǵı mayor D.Siytmuratov sózge shıqtı. Búgingi kúnde kópshilik puqaralar kiber jınayatlarıdıń qurbanına aylanıp qalıp atırǵanlıǵı, sonday-aq bank plastik kartalarınıń kodların ózgelerge berip, aldawshılardıń duzaǵına túsip qalǵanlıǵı jóninde mısallar keltirildi hámde bunday aldawshılardıń qurbanına aylanıp qalmaw kerekligi boyınsha kóplegen maǵlıwmatlar menen tanıstırıp ótti. Ilaj dawamında filialdıń bólim hám texnik xizmetkerlerine kiber jınayatshılıq túrleri boyınsha anıq túsinikler berilip, qálbeki smslar, zvanoklarǵa juwap bermew sonday-aq, ózleri haqqında maǵlıwmat bermew kerekligi turalı túsindirildi. Ilaj sońında filialdıń bólim hám texnik xizmetkerleri ózlerin qızıqtırǵan sorawlarǵa juwap aldı.
