O‘zbekiston Respublikasi Ichki ishlar vazirligi tomonidan 2024 yil 15 aprel kuni tizimda "Korrupsiyaga qarshi kurashish dolzarb 10 kunligi" eʼlon qilindi
Shu munosabat bilan Qoraqalpog‘iston Respublikasi
Ichki ishlar vazirligi sohaviy xizmat rahbarlari va shaxsiy tarkibi o‘rtasida
xizmat intizomi va qonunchilikni mustahkamlash hamda xodimlar tomonidan
korrupsiya va tamagirlik holatlarining sodir etilishini oldini olish yuzasidan
Qoraqalpog‘iston Respublikasi Ichki ishlar vazirining o‘rinbosari
Maʼnaviy-maʼrifiy ishlar va kadrlar bilan taʼminlash xizmati boshlig‘i
podpolkovnik G‘ulomjon Eshimbetov boshchiligida yig‘ilish bo‘lib o‘tdi. Tadbirga Ichki ishlar organlari
sohaviy xizmatlari xodimlari va ularning ota-onalari ishtirok etdi. Yig‘ilishda
xodimlarga kelgusida xizmat intizomiga qatʼiy amal qilish, qonun ustuvorligini
taʼminlash, korrupsiya va tamagirlik holatlariga yo‘l qo‘ymaslik, ichki ishlar
organi xodimiga xos fazilatlarni mustahkam saqlash bo‘yicha aniq tavsiya va
ko‘rsatmalar berildi.
Qoraqalpog‘iston
Respublikasi IIV Axborot xizmati
