19 Феврал 2025 йил
928
Қорақалпоғистон Республикаси ИИВ ЖХХ Ҳуқуқбузарликлар профилактикаси бошқармаси бошлиғи Амударё туманидаги "Дўстлик" маҳалласида бўлиб, аҳоли учун сайёр қабул ўтказди.
Қабул давомида фуқаролар томонидан турли масалаларда мурожаатлар келиб тушди. Айрим мурожаатлар жойида ҳал этилган бўлса, муддат талаб этадиган 17 та мурожаат масъулларга бириктирилиб, ижроси қатъий назоратга олинди. Шундан сўнг, бошқарма бошлиғи “Дўстлик” маҳалласи еттилиги фаолияти билан танишиб, Ўзбекистон Республикаси Президентининг 2025 йил 3 январдаги ПҚ-1-сонли қарори ижросини таъминлаш юзасидан масъулларга тегишли топшириқлар берди. Шунингдек, ушбу қарорнинг маҳаллаларда хавфсиз муҳит яратиш, ҳуқуқбузарликларни олдини олиш ва жамоатчилик назоратини кучайтиришга қаратилгани таъкидланиб, фуқароларнинг муаммолари ҳал этилди.
