Hayal-qızlardı hár tárepleme qollap-quwatlaw, olardıń jámiyettegi abırayın jáne de bekkemlew hám bul tarawda ámelge asırılıp atırǵan ilajlar hám sheshimin kútip turǵan mashqalalar boyınsha búgingi kúnde eń áhmiyetli másele jámiyetimizde hayal-qızlarımızǵa, apa-sińlilerimizge qolaylı sharayat jaratsaq, biz kútken nátiyjeler boladı.
Húrmetli Prezidentimizdiń 2022-jıl 1-mart kúngi shańaraq hám hayal-qızlar menen islesiw boyınsha qabıl etilgen arnawlı Pármanı menen elimizde hayal-qızlardı elede qollap-quwatlaw boyınsha mámleketlik siyasattıń tiykarǵı baǵdarları belgilep berildi.
Sonıń ishinde, eń áhmiyetlilerin atap ótetuǵın bolsaq:
- shańaraq hám hayal-qızlardıń mashqalaların óz waqtında anıqlaw, awır sociallıq awhalǵa túsip qalǵanlarǵa sociallıq-huqıqıy, psixologiyalıq járdemler kórsetiw;
- hayal-qızlarǵa miynet bazarında talap joqarı bolǵan kásipler boyınsha bilim hám kónlikpelerdi iyelewleri ushın qolaylı sharayatlardı jaratıw, awıllıq orınlardaǵı hayal-qızlardı shańaraqlıq hám jeke isbilermenlikke, ónermentshilikke keńnen tartıw;
- hayal-qızlar arasında salamat turmıs tárizin qáliplestiriw, shańaraqtaǵı ruwxıy-ádeplilik qádiriyatlardı bekkemlew boyınsha mánzilli ilajlardı ámelge asırıw;
- hayal-qızlardıń huqıq hám nızamlı máplerin qorǵaw, olardıń elimizde sociallıq-siyasiy  ornı hám belsendiligin arttırıw, gender teńlik kepilliklerin támiyinlew sıyaqlı áhmiyetli wazıypalar belgilep berilgen.

Qaraqalpaqstan Respublikası Joqarǵı Keńesi baslıǵınıń 17.02.2023 jılı 38-sanlı bayanı boyınsha Jol kartasında tiyisli bántlerin orınlanıwı boyınsha Kegeyli rayonında "Hayallar mámleket qorǵawında" atamasında  aymaqta jasawshı profilaktikalıq esapta turǵan, hayal-qızlarǵa huqıqıy, medicinalıq, psixologik járdemler kórsetilip, olardıń nızamlı mápleri mámleket tárepinen korǵalıp kelinbekte.
Qaraqalpaqstan Respublikası IIM Málimleme xızmeti