«Пробация профилактикасы» айлығы өткерилмекте
Өзбекстан Республикасы ИИМ орынбасары генерал майор Бекмурод Абдуллаевтың 2024-жыл 23-июль кунги 230-санлы бийлигине тийкар «Пробация профилактикасы» айлығын өткериў бойынша Қарақалпақстан Республикасы ИИМ Жәмийетлик қәўипсизлик хызмети Пробация бөлиминиң қала ҳәм районлардағы пробация топарлары хызметкерлери тәрепинен басқа тараў хызметлери менен биргеликте пробация есабында турған шахслардың суд ҳүкимине тийкар белгиленген жасаў орынлары, жумыс орынларын тексериў бойынша биргеликте жумыслар алып барылмақта. Сондай ақ қылмысынан пушайман болған дүзелиў жолына өткен,жасаў ҳәмде жумыс ислеў орынларынан жақсы минезлемеге ийе болған қадағалаў дәўиринде суд ҳүкиминде белгиленген тәртиплерге әмел қылып ҳеш қандай нызамбузыўшылыққа жол қоймаған бир қатар шахсларды мүддетинен алдын азатлыққа шығарыў бойынша жынаят ислери бойынша судларына усыныслар киритилип, усы киритилген усыныслар унамлы қанаатландырылмақта. Сондай ақ олардың бос ўақытларын мазмунлы ҳәмде кеўилли өткериў бойынша спорт жарыслары шөлкемлестирилип, ҳәр қыйлы әдебий, мәдений ҳәмде дуня китапларын оқыўлары ушын китапханаларға алып барып оқыўлары ушын шараятлар жаратып берилмекте.
