Tadbirda universitet profilaktika inspektori mayor I.Erejepov, xotin-qizlar masalalari bo‘yicha katta inspektori mayor K.Ataniyazova, xotin-qizlar masalalari bo‘yicha psixolog F.Tolibayeva ishtirok etdi. Kun tartibidagi masala bo‘yicha universitetda yoshlar tarbiyasi, ularning ijtimoiy hayotda faol ishtirokini ta’minlash, huquqbuzarlik va jinoyatchilikning oldini olish, shuningdek, ta’lim-tarbiya jarayonida yuzaga kelayotgan dolzarb muammolarni muhokama qilish maqsadida yig‘ilish bo‘lib o‘tdi. Tadbir davomida sodir etilgan jinoyat turlarini o‘zida jamlagan ko‘rgazmali slaydlar, videoroliklar qo‘yib berildi. Psixologik jihatdan sog‘lom muhit yaratish va ma’naviy barkamol shaxs bo‘lib shakllanish bo‘yicha ham tushunchalar berib o‘tildi va bu bo‘yicha talabalar o‘zlarining qiziqtirgan savollariga tegishli javoblar oldilar. O‘tkazilgan tadbirning asosiy maqsadi yoshlar orasida huquqbuzarlik va jinoyatchilikning oldini olish bo‘yicha keng targ‘ibot-tashviqot ishlarini olib borish, shuningdek yoshlarni zarur ma’lumotlar bilan tanishtirib borish hisoblanadi.