Ilajg'a universitet profilaktika inspektori mayor I.Erejepov, xayal-qızlar ma'seleleri boyınsha ag'a inspektori mayor K. Ataniyazova, xayal-qızlar ma'selesi boyınsha psixolog F.Tolıbaeva qatnastı. Ku'n tartibindegi ma'sele boyınsha universitette jaslar ta'rbiyası, olardın' ja'miyetlik turmısta belsene qatnasıwın ta'miynlew, huqıqbuzarlıq ha'm jinayatshılıqtın' aldın alıw, sonday-aq, ta'lim-ta'rbiya protsessinde ju'zege kelip atırg'an a'himiyetli mashqalalardı dodalaw maqsetinde ma’jilis bolıp o'tti. Ilaj dawamında ju'z bergen jinayat tu'rlerin o'zine ja'mlegen ko'rgizbe slaydlar, videorolikler qoyıp berildi. Psixologiyalıq ta'repten saw-salamat ortalıq jaratıw ha'm ruwhiy jetilisken shaxs bolıp qa'liplesiw boyınsha da tu'sinikler berip o'tildi ha'm bul boyınsha studentler o'zlerinin' qızıqtırg'an sorawlarına tiyiysli juwaplar aldı. O'tkerilgen ilajdın tiyqarg'ı maqseti jaslar arasında huqıqbuzarlıq ha'm jinayatshılıqtın' aldın alıw boyınsha ken'nen u'git-na'siyatlaw jumısların alıp barıw, sonın' menen birge jaslardı za'ru'r mag'lıwmatlar menen tanıstırıp barıw bolıp tabıladı.