Jamiyatda huquqbuzarliklarning oldini olish, fuqarolarning huquq va erkinliklarini taʼminlash, shuningdek, ichki ishlar organlari faoliyatiga oid muammolarni hal etish maqsadida joylarda masʼul rahbarlar tomonidan fuqarolarni shaxsan qabul qilish amaliyoti izchil davom ettirilmoqda.

Shu maqsadda, Qoraqalpog‘iston Respublikasi Ichki ishlar vaziri polkovnik Baxtiyar Torebekov tomonidan fuqarolarning ichki ishlar organlari faoliyatiga taalluqli masalalar bo‘yicha navbatdagi shaxsiy qabul o‘tkazildi. Qabul davomida fuqarolar tomonidan bildirilgan murojaat va takliflar atroflicha ko‘rib chiqildi, ularning har biri bo‘yicha qonuniy hal choralari belgilandi.

Qabul jarayonida ichki ishlar xodimlari faoliyati bilan bog‘liq savollar hamda huquqiy yordam ko‘rsatish masalalariga taalluqli bo‘ldi.

Fuqarolarning murojaatlariga munosabatda adolat, xolislik va ochiqlik prinsiplariga amal qilindi. Shuningdek, ayrim masalalar yuzasidan joyida hal etish choralari ko‘rildi va masʼul mutasaddilarga tegishli ko‘rsatmalar berildi.

Bunday qabullar aholi bilan muloqotni mustahkamlash, ularning muammolariga amaliy yechim topishda muhim ahamiyat kasb etadi.