Jámiette huqıqbuzarlıqlardıń aldın alıw, puqaralardıń huqıqları menen erkinliklerin támiyinlew, sonday-aq, ishki isler uyımlarınıń jumısına baylanıslı mashqalalardı sheshiw maqsetinde orınlarda juwapker basshılar tárepinen puqaralardı jeke qabıl etiw ámeliyatı izbe-iz dawam ettirilmekte.

Usı maqsette, Qaraqalpaqstan Respublikası Ishki isler ministri polkovnik Baxtiyar Torebekov tárepinen puqaralardıń ishki isler uyımlarınıń jumısına baylanıslı máseleler boyınsha gezektegi jeke qabıllawı ótkerildi. Qabıllaw dawamında puqaralar tárepinen bildirilgen múrájat hám usınıslar hár tárepleme kórip shıǵıldı, olardıń hár biri boyınsha nızamlı sheshim ilajları belgilendi.

Qabıllaw procesinde ishki isler xızmetkerleriniń jumısına baylanıslı sorawlar hám huqıqıy járdem kórsetiw máselelerine tiyisli boldı.

Puqaralardıń múrájatlarına múnásibette ádillik, qalıslıq hám ashıq-aydınlıq principlerine ámel etildi. Sonday-aq, ayırım máseleler boyınsha ornında sheshiw ilajları kórildi hám juwapkerlerge tiyisli kórsetpeler berildi.

Bunday qabıllawlar xalıq penen pikirlesiwdi bekkemlew, olardıń mashqalalarına ámeliy sheshim tabıwda úlken áhmietke iye