Bo‘zatov tumani Yoshlar markazi binosida yoshlar o‘rtasida jinoyatchilikning oldini olishga qaratilgan muhokama yig‘ilishi bo‘lib o‘tdi.
Yig‘ilishda tuman hokimi B.Ubbiniyazov, Davlat xavfsizlik xizmati Qoraqalpog‘iston Respublikasi bo‘yicha boshqarmasi Kegeyli tumani bo‘limi, sektor rahbarlari, Xalq deputatlari tuman Kengashi deputatlari, tuman hokimi o‘rinbosarlari, mahalla raislari, profilaktika inspektorlari, yoshlar yetakchilari, mahalla faollari hamda tegishli soha rahbarlari ishtirok etdi. Muhokama yig‘ilishida tuman hududidagi mahallalarda tinchlik va osoyishtalikni ta’minlash, fuqarolar hamda yoshlar bilan ishlashning yangicha boshqaruv mexanizmlarini joriy etish, yoshlarning muammolarini bevosita mahallalarda hal etish borasida samarali chora-tadbirlarni amalga oshirish lozimligi alohida ta’kidlandi. Shuningdek, Prezidentimiz tomonidan 2024 yil 15 yanvar kuni PP-10-sonli Farmoni qabul qilingan bo‘lib, ushbu farmon asosida amalga oshirilayotgan ishlar va oldinda bajarilishi lozim bo‘lgan vazifalar belgilab olindi.
