Bozataw rayonı Jaslar orayı imaratında jaslar arasında jınayachılıqtıń aldın alıwǵa qaratılǵan dodalaw májilisi bolıp ótti.
Májiliste rayon hákimi B.Ubbiniyazov, Mámleketlik qáwipsizlik xızmeti Qaraqalpaqstan Respublikası boyınsha basqarması Kegeyli rayonlıq bólimi, sektor basshıları, Xalıq deputatları rayonlıq Keńesi deputatları, rayon hákiminiń orınbasarları, máhálle baslıqları, profilaktika inspektorları, jaslar jetekshileri, máhálle belsendileri hám tiyisli taraw basshıları qatnastı. Dodalaw májilisinde rayon aymaǵındaǵı máhállelerde tınıshlıq-tatıwlıqtı támiyinlew, puqaralar hám jaslar menen islesiwdiń jańasha basqarıw mexanizmlerin engiziw, jaslardıń mashqalaların tikkeley máhállelerde sheshiw baǵdarında nátiyjeli ilajlardı ámelge asırıw zárúrligi ayrıqsha atap ótildi. Sonday-aq, Prezidentimiz tárepinen 2024-jıl 15-yanvar kúni PP-10-sanlı Pármanı qabıl etilgen bolıp, usı párman tiykarında ámelge asırılıp atırǵan jumıslar hám aldaǵı orınlanıwı tiyis wazıypalar belgilep alındı.
