Бўзатов тумани Ёшлар маркази биносида ёшлар ўртасида жиноятчиликнинг олдини олишга қаратилган муҳокама йиғилиши бўлиб ўтди.
Йиғилишда туман ҳокими Б.Уббиниязов, Давлат хавфсизлик хизмати Қорақалпоғистон Республикаси бўйича бошқармаси Кегейли тумани бўлими, сектор раҳбарлари, Халқ депутатлари туман Кенгаши депутатлари, туман ҳокими ўринбосарлари, маҳалла раислари, профилактика инспекторлари, ёшлар етакчилари, маҳалла фаоллари ҳамда тегишли соҳа раҳбарлари иштирок этди. Муҳокама йиғилишида туман ҳудудидаги маҳаллаларда тинчлик ва осойишталикни таъминлаш, фуқаролар ҳамда ёшлар билан ишлашнинг янгича бошқарув механизмларини жорий этиш, ёшларнинг муаммоларини бевосита маҳаллаларда ҳал этиш борасида самарали чора-тадбирларни амалга ошириш лозимлиги алоҳида таъкидланди. Шунингдек, Президентимиз томонидан 2024 йил 15 январь куни ПП-10-сонли Фармони қабул қилинган бўлиб, ушбу фармон асосида амалга оширилаётган ишлар ва олдинда бажарилиши лозим бўлган вазифалар белгилаб олинди.
