Yaqinda Nukus shahrida voyaga yetmaganlar ishtirokida sodir etilgan jinoyatlarning kelib chiqish sabablari va kelgusida bunday salbiy holatlarning oldini olishga bag‘ishlangan Nukus shahar hokimligida yig‘ilish o‘tkazildi. Yig‘ilishda Qoraqalpog‘iston Respublikasi Ichki ishlar vazirining birinchi o‘rinbosari, Nukus shahar prokurori va tegishli muassasa tashkilot rahbarlari, Ichki ishlar organlari xodimlari, shuningdek, Nukus shahar Xalq ta’limi bo‘limiga qarashli maktablarning mas’ul vakillari ishtirok etdi. Yig‘ilishda Qoraqalpog‘iston Respublikasi Ichki ishlar vazirining birinchi o‘rinbosari, Nukus shahar prokurori va tegishli muassasa tashkilot rahbarlari, Ichki ishlar organlari xodimlari, shuningdek, Nukus shahar Xalq ta’limi bo‘limiga qarashli maktablarning mas’ul vakillari ishtirok etdi. Tadbirda ta’kidlanganidek, ayrim hududlarda mahalla yettiligi tomonidan huquqbuzarlik va jinoyatchilikning oldini olish borasidagi ishlar to‘g‘ri tashkil etilmaganligi og‘ir oqibatli jinoyatlar sodir etilishiga sabab bo‘lmoqda. Shu bois yig‘ilishda mahalla fuqarolar yig‘inlari vakillari va hamkor tashkilotlar xodimlariga sodir etilgan holatlardan to‘g‘ri xulosa chiqarib, kelgusida bunday jinoyatlarning oldini olish borasidagi ishlarni kuchaytirish lozimligi ta’kidlandi. Tadbir yakunida kelgusi vaqtlarda huquqbuzarlik va jinoyatchiliklarning, shu bilan birga boshqa favqulodda holatlarning oldini olish bo‘yicha yig‘ilgan mas’ul xodimlarga vazifalar belgilab berildi.