Қорақалпоғистон Республикаси Ички ишлар вазирининг биринчи ўринбосари раҳбарлигида Нукус шаҳрида содир этилган жиноятлар муҳокама қилинди
Яқинда Нукус шаҳрида вояга етмаганлар иштирокида содир этилган жиноятларнинг келиб чиқиш сабаблари ва келгусида бундай салбий
ҳолатларнинг олдини олишга бағишланган Нукус шаҳар ҳокимлигида йиғилиш
ўтказилди. Йиғилишда Қорақалпоғистон Республикаси Ички ишлар вазирининг биринчи
ўринбосари, Нукус шаҳар прокурори ва тегишли муассаса ташкилот раҳбарлари, Ички
ишлар органлари ходимлари, шунингдек, Нукус шаҳар Халқ таълими бўлимига қарашли
мактабларнинг масъул вакиллари иштирок этди. Тадбирда таъкидланганидек, айрим
ҳудудларда маҳалла еттилиги томонидан ҳуқуқбузарлик ва жиноятчиликнинг олдини
олиш борасидаги ишлар тўғри ташкил этилмаганлиги оғир оқибатли жиноятлар содир
этилишига сабаб бўлмоқда. Шу боис йиғилишда маҳалла фуқаролар йиғинлари
вакиллари ва ҳамкор ташкилотлар ходимларига содир этилган ҳолатлардан тўғри
хулоса чиқариб, келгусида бундай жиноятларнинг олдини олиш борасидаги ишларни
кучайтириш лозимлиги таъкидланди. Тадбир якунида келгусида ҳуқуқбузарлик ва
жиноятчиликларнинг, шунингдек, бошқа фавқулодда ҳолатларнинг олдини олиш бўйича
йиғилган масъул ходимларга вазифалар белгилаб берилди.
