Uchrashuvni universitetning Yoshlar masalalari va ma’naviy-ma’rifiy ishlar bo‘yicha birinchi prorektori Saxavaddin Alauatdinov ochib berdi va olib bordi. Undan so‘ng Qoraqalpog‘iston Respublikasi Ichki ishlar vaziri polkovnik Baxtiyor Torebekov so‘zga chiqib bugungi kunda hurmatli Prezidentimiz tomonidan yoshlarga yaratilgan keng ko‘lamli imkoniyatlar ulardan unumli foydalanish kerakligi bo‘yicha talaba yoshlarga o‘z maslahatlarini berib o‘tdi. Afsuski shu yaratilgan keng imkoniyatlardan to‘g‘ri foydalanmay turli qing‘ir ishlarga qo‘l urayotgan talaba yoshlar ham oramizda borligi tanqid qilindi. So‘nggi vaqtlarda ayrim talaba yoshlar huquqbuzarlik va jinoyatlarga qo‘l urib jinoyat ko‘chasiga kirib qolgani achinarli holat ekanligi, bunday holatlarga talaba yoshlar qayta qo‘l urishi bo‘yicha targ‘ibot ishlari ham olib borildi hamda universitet tyutorlariga va mas’ul xodimlarga topshiriqlar berildi. Uchrashuv yakunida vazir yoshlarni qiynab kelayotgan masalalar va takliflarini tinglab, ularga har qanday muammolarini hal etishda va amaliy yordam berishga tayyorligini bildirdi. Talaba yoshlar vazirga o‘z minnatdorchiligini bildirib, kelgusi ishlarida ulkan muvaffaqiyatlar tiladi. Bunday "Vazir va yoshlar" uchrashuvi boshqa oliy o‘quv yurtlarida davom etadi.
Qoraqalpog‘iston Respublikasi Ichki ishlar vazirligi Axborot xizmati