Ushırasıwdı universitettiń Jaslar máseleleri  hám ruwxıy-aǵartıwshılıq isleri boyınsha birinshi prorektorı Saxavaddin Alauatdinov ashıp berdi hám alıp bardı. Onnan soń Qaraqalpaqstan Respublikası Ishki isler ministri polkovnik Baxtiyar Torebekov sózge shıǵıp búgingi kúnde húrmetli Prezidentimiz tárepinen jaslarǵa jaratılǵan keń kólemli imkaniyatlar olardan únemli paydalanıw kerekligi boyınsha student jaslarǵa óz máslahatlerin berip ótti. Tilekke qarsı usı jaratılǵan keń imkaniyatlardan tuwrı paydalanbay hár túrli qıńır islerge qol urıp atırǵan student jaslarda aramızda bar ekenligi sınǵa alındı. Sonǵı waqıtları ayrım student jaslar hukıqbuzarlıq hám jınayatlarǵa qol urıp jınayat kóshesine kirip qalǵanlı ashınarlı jaǵday ekenligin, bunday jaǵdaylarǵa student jaslar qayta qol urmasılıǵı boyınsha úgit-násiyat jumısları da alıp barıldı hámde universitet tyutrlarına hám juwapker xızmetkerlerge tapsırmalar berildi. Ushırasıw sońında ministr jaslardı qıynap kiyatırǵan máseleler hám usınısların tıńlap olarǵa hár qanday mashqalaların sheshiwde hám ámeliy járdemler beriwge tayar ekenligin bildirip ótti. Student jaslar ministrge óz minnetdarshılıǵın bildirip aldaǵı jumıslarında tasqın tabıslar tiledi. Bunday “Ministr hám jaslar” ushırasıwı basqada joqarı oqıw orınlarında dawam etedi.
Qaraqalpaqstan Respublikası Ishki isler ministrligi Málimleme xızmeti