O‘zbekiston Respublikasi Mustaqilligining 34 yilligi bayramini o‘tkazishga tayyorgarlik ko‘rish va uni o‘tkazish davomida jamoat tartibini saqlash, xavfsizlikni taʼminlash borasida ichki ishlar vazirligi yonida operativ shtab va ishchi guruhi tashkil etildi
O‘zbekiston Respublikasi Prezidentining 2025 yil 10 iyuldagi «O‘zbekiston Respublikasi davlat mustaqilligining o‘ttiz to‘rt yillik bayramiga tayyorgarlik ko‘rish va uni o‘tkazish to‘g‘risida»gi PQ-222-sonli qaroriga va O‘zbekiston Respublikasi Ichki ishlar vazirligining 2025 yil 11 avgustdagi tegishli rejasi talablari ijrosini taʼminlash maqsadida, Qoraqalpog‘iston Respublikasi Ichki ishlar vaziri tomonidan chora-tadbirlar rejasi ishlab chiqilib ijrosi nazoratga olindi. Qoraqalpog‘iston Respublikasi Ichki ishlar vazirligi tomonidan amalga oshirilayotgan ishlar to‘g‘risida maʼlumotlarni o‘z vaqtida yig‘ish, tahlil qilish maqsadida 2025 yil 19 avgust kuni vazirlik yonida operativ shtab va ishchi guruhi tashkil etildi. Shuningdek, barcha hududiy ichki ishlar bo‘limlariga amaliy va metodik yordam ko‘rsatish maqsadida, Qoraqalpog‘iston Respublikasi IIVdan masʼul rahbar xodimlar biriktirilib, xizmat safariga yuborildi.
