Ўзбекистон Республикаси Мустақиллигининг 34 йиллиги байрамини ўтказишга тайёргарлик кўриш ва уни ўтказиш давомида жамоат тартибини сақлаш, хавфсизликни таъминлаш борасида ички ишлар вазирлиги ёнида оператив штаб ва ишчи гуруҳи ташкил этилди
Ўзбекистон Республикаси Президентининг 2025 йил 10 июлдаги «Ўзбекистон Республикаси давлат мустақиллигининг ўттиз тўрт йиллик байрамига тайёргарлик кўриш ва уни ўтказиш тўғрисида»ги ПҚ-222-сонли қарорига ва Ўзбекистон Республикаси Ички ишлар вазирлигининг 2025 йил 11 августдаги тегишли режаси талаблари ижросини таъминлаш мақсадида, Қорақалпоғистон Республикаси Ички ишлар вазири томонидан чора-тадбирлар режаси ишлаб чиқилиб ижроси назоратга олинди. Қорақалпоғистон Республикаси Ички ишлар вазирлиги томонидан амалга оширилаётган ишлар тўғрисида маълумотларни ўз вақтида йиғиш, таҳлил қилиш мақсадида 2025 йил 19 август куни вазирлик ёнида оператив штаб ва ишчи гуруҳи ташкил этилди. Шунингдек, барча ҳудудий ички ишлар бўлимларига амалий ва методик ёрдам кўрсатиш мақсадида, Қорақалпоғистон Республикаси ИИВдан масъул раҳбар ходимлар бириктирилиб, хизмат сафарига юборилди.
