Ózbekstan Respublikası Ǵárezsizliginiń 34 jıllıǵı bayramına tayarlıq kóriw hám onı ótkeriw dawamında jámietlik tártipti saqlaw, qáwipsizlikti támiyinlew boyınsha Ishki isler ministrligi janında operativ shtab hám jumısshı topar shólkemlestirildi.
Ózbekstan Respublikası Prezidentiniń 2025-jıl 10-iyuldegi "Ózbekstan Respublikası mámleketlik ǵárezsizliginiń otız tórt jıllıq bayramına tayarlıq kóriw hám onı ótkeriw haqqında"ǵı PQ-222-sanlı qararına hám Ózbekstan Respublikası Ishki isler ministrliginiń 2025-jıl 11-avgusttaǵı tiyisli rejesi talaplarınıń orınlanıwın támiyinlew maqsetinde, Qaraqalpaqstan Respublikası Ishki isler ministri tárepinen ilajlar rejesi islep shıǵılıp, orınlanıwı qadaǵalawǵa alındı. Qaraqalpaqstan Respublikası Ishki isler ministrligi tárepinen ámelge asırılıp atırǵan jumıslar haqqındaǵı maǵlıwmatlardı óz waqtında jıynaw, tallaw maqsetinde 2025-jıl 19-avgust kúni ministrlik janında operativ shtab hám jumısshı topar shólkemlestirildi. Sonday-aq, barlıq aymaqlıq ishki isler bólimlerine ámeliy hám metodikalıq járdem kórsetiw maqsetinde, Qaraqalpaqstan Respublikası IIMnen juwapker basshı xızmetkerler biriktirilip, xızmet saparına jiberildi.
