Qoraqalpog‘iston Respublikasi Ichki ishlar vaziri o‘rinbosari – Tergov boshqarmasi boshlig‘i tomonidan Kegeyli tumani fuqarolari uchun navbatdagi sayyor qabul o‘tkazildi
Jismoniy va yuridik shaxslarning
murojaatlarini ko‘rib chiqish, fuqarolarning soha bilan bog‘liq muammolariga
ijobiy yechim topish maqsadida Qoraqalpog‘iston Respublikasida doimiy ravishda
sayyor qabullar o‘tkazib kelinmoqda. Jumladan, joriy yilning 11-mart kuni,
Qoraqalpog‘iston Respublikasi Ichki ishlar vaziri o‘rinbosari – Tergov
boshqarmasi boshlig‘i tomonidan Kegeyli tumani fuqarolari uchun Kegeyli tumani
Xalq qabulxonasi binosida navbatdagi sayyor qabul o‘tkazildi. Sayyor qabul
davomida asosiy e’tibor, murojaat bilan kelgan fuqarolarning muammolarini
joyida hal etish hamda ularga huquqiy maslahatlar berishga qaratilib, buning
uchun mas’ul xodimlar qatnashishlari ta’minlandi. Qabul davomida, Tergov boshqarmasi boshlig‘i tomonidan 15 nafardan ortiq fuqarolarning murojaatlari o‘rganilib, ularning
10 tasi joyida ijobiy hal etildi, 5 nafariga huquqiy maslahat va tushuntirishlar berilib, ijrosi
nazoratga olindi.
