Қорақалпоғистон Республикаси Ички ишлар вазири ўринбосари – Тергов бошқармаси бошлиғи томонидан Кегейли тумани фуқаролари учун навбатдаги сайёр қабул ўтказилди
Жисмоний ва юридик шахсларнинг мурожаатларини кўриб чиқиш, фуқароларнинг соҳа билан боғлиқ муаммоларига ижобий ечим топиш мақсадида Қорақалпоғистон Республикасида доимий равишда сайёр қабуллар ўтказиб келинмоқда. Жумладан, жорий йилнинг 11 март куни, Қорақалпоғистон Республикаси Ички ишлар вазири ўринбосари – Тергов бошқармаси бошлиғи томонидан Кегейли тумани фуқаролари учун Кегейли тумани Халқ қабулхонаси биносида навбатдаги сайёр қабул ўтказилди. Сайёр қабул давомида асосий эътибор, мурожаат билан келган фуқароларнинг муаммоларини жойида ҳал этиш ҳамда уларга ҳуқуқий маслаҳатлар беришга қаратилиб, бунинг учун масъул ходимлар қатнашишлари таъминланди. Қабул давомида, Тергов бошқармаси бошлиғи томонидан 15 нафардан ортиқ фуқароларнинг мурожаатлари ўрганилиб, уларнинг 10 таси жойида ижобий ҳал этилди, 5 нафарига ҳуқуқий маслаҳат ва тушунтиришлар берилиб, ижроси назоратга олинди.
