Qaraqalpaqstan Respublikası Ishki isler ministriniń orınbasarı - Tergew basqarması baslıǵı tárepinen Kegeyli rayonı puqaraları ushın gezektegi kóshpeli qabıllaw ótkerildi
Fizikalıq hám yuridikalıq
táreplerdiń múrájatların kórip shıǵıw, puqaralardıń tarawǵa baylanıslı
mashqalalarına unamlı sheshim tabıw maqsetinde Qaraqalpaqstan Respublikasında
turaqlı túrde kóshpeli qabıllawlar ótkerilip kelinbekte. Atap aytqanda, usı
jıldıń 11-mart kúni Qaraqalpaqstan Respublikası Ishki isler ministriniń
orınbasarı - Tergew basqarması baslıǵı tárepinen Kegeyli rayonı Xalıq
qabıllawxanası imaratında Kegeyli rayonı puqaraları ushın gezektegi kóshpeli
qabıllaw ótkerildi. Kóshpeli qabıllaw dawamında tiykarǵı itibar, múrájat penen
kelgen puqaralardıń mashqalaların ornında sheshiw hám olarǵa huqıqıy
másláhátler beriwge qaratılıp, bul ushın juwapker xızmetkerlerdiń qatnasıwı
támiyinlendi. Qabıllaw dawamında, Tergew basqarması baslıǵı tárepinen 15 ten
aslam puqaralardıń múrájatları úyrenilip, olardıń 10 ı ornında unamlı
sheshildi, 5 puqaraǵa huqıqıy másláhát hám túsinikler berilip, orınlanıwı
qadaǵalawǵa alındı.
