Muhtaram Prezidentimiz Shavkat Miromonovich Mirziyoyev tashabbusi bilan mamlakatimizda jismoniy tarbiya va sportni ommalashtirish hamda Voleybol sportini rivojlantirish bo‘yicha keng ko‘lamli islohotlar amalga oshirilmoqda. Xususan, o‘tgan yili davlatimiz rahbari tomonidan jismoniy tarbiya va sportni rivojlantirishga oid 2 ta farmon va 3 ta qaror imzolandi. Shu bilan, hurmatli Prezidentimizning 2024-yil 19-iyul kungi "Voleybol sport turlarini yanada rivojlantirish chora-tadbirlari to‘g‘risida"gi PQ-274-sonli qarori qabul qilindi. Ushbu qarorga muvofiq, O‘zbekiston Respublikasi Ichki ishlar vazirligi tashabbusi bilan, Qoraqalpog‘iston Respublikasi hududida voleybol sport turini rivojlantirish bo‘yicha bir qator ishlar amalga oshirildi. oshirildi. O‘zbekiston Respublikasi ichki ishlar vaziri general-leytenant Toshpo‘latov Aziz Anvarovichning 2025 yil 10 sentyabr kungi 527-sonli buyrug‘iga asosan, Ichki ishlar organlarida xizmat qilayotgan xodimlar o‘rtasida sportning "Voleybol" turi bo‘yicha "O‘zbekiston Respublikasi ichki ishlar vaziri kubogi" musobaqasining 1-bosqichi Qoraqalpog‘iston Respublikasida o‘tkazilishi belgilangan. Musobaqaning ochilish marosimini Qoraqalpog‘iston Respublikasi Ichki ishlar vaziri o‘rinbosari G‘ulomjon Eshimbetov ochib berdi va musobaqa ishtirokchilariga omad tiladi. Musobaqada Andijon, Qashqadaryo, Xorazm, Samarqand va Qoraqalpog‘iston Respublikasi Ichki ishlar organlarining terma jamoalari o‘zaro bellashadi.